د اسپوتنیک په وینا، ولادیمیر پوتین نن د پنجشنبې په ورځ د "کوانټوم، محاسبې او اړیکې" تر عنوان لاندي د راتلونکي ټیکنالوژۍ د ناستې په عمومي غونډه کې وینا وکړه.
د روسیې ولسمشر ټینګار وکړ چې د ځینو هیوادونو واکمنانو د روسیې د ټیکنالوژۍ د بندولو چارې تنظیم کړی، خو دغه هیواد نه دی تسلیم شوی او خپل پرمختګ ته دوام ورکوی.
هغه وویل:"زموږ مخالفانو هیله درلوده چې موږ به شاتګ وکړو، تسلیم شو، خو دا نه پېښېږي، لکه څنګه چې ډیری وختونه په داسې حالتونو کې مونږ وایو: روسیه به یوازې پرمخ ځي، او هغه هم پر خپله طریقه او نه دا چې د چا څخه ځان منزوي کړي. مونږ بهرنیو ننګونو ته د کار د کیفیت او موثریت په لوړولو او د آزادۍ په پراخولو سره ځواب ورکوو".
د روسیې د دولت د مشر په وینا، په بهرنیو ټیکنالوژیو باندې تکیه د ملي امنیت لپاره یو جدي ګواښ دی او د حاکمیت د ناتوانی او له لاسه ورکولو لامل کیږي.
هغه یادونه وکړه چې روسیه د ځینو بهرنیو شریکانو "چې د دې هیواد دروازې یې ټینګې وتړلې" یوې پایلې ته رسېدلې او ځیني درسونه یې زده کړي دي.
یادونه کوو چې اروپایی هیوادونو او متحده ایالتونو د روسیې د ځانګړو عملیاتو له پیل (د 2022 کال د فبرورۍ 24) وروسته پر روسیې سخت بندیزونه ولګول.