والی بلخ کتاب احکام ملا هبت‌الله را به رئیس شورای علمای تاجیکستان هدیه کرد
والی بلخ کتاب احکام ملا هبت‌الله را به رئیس شورای علمای تاجیکستان هدیه کرد
یوسف وفا، والی بلخ در سفر به تاجیکستان با رئیس شورای علمای این کشور دیدار کرد. در این دیدار بسیاری از علمای برجسته و شیوخ بزرگ تاجیکستان نیز حضور داشتند.
طبق خبرنامه دفتر والی بلخ ، آقای وفا در این دیدار، نسخه‌ای از قانون امر به معروف، سخنرانی‌ها و دستورات رهبر امارت اسلامی را به رئیس شورای علمای تاجیکستان هدیه داده است.
دفتر والی بلخ، تصویری از نسخه‌هایی که به رئیس شورای علمای تاجیکستان هدیه داده شده را در ایکس منتشر کرده است.
یوسف وفا به علمای تاجیکستان گفت، ما هر دو کشور اسلامی هستیم و خواستار رفت و آمد علمای تاجیکستان به افغانستان برای گسترش روابط شد.
او در این دیدار گفت، اوزبیکستان در ولایت بلخ یک مدرسه دینی بزرگ می‌سازد واز علمای تاجیکستان نیز خواست تا در ساخت مدارس دینی و مساجد در افغانستان سهم بگیرند.
ما را در سایت و تلگرام اسپوتنیک دنبال کنید
