به گزارش اسپوتنیک، سرویس مطبوعاتی ریاست جمهوری افغانستان با نشر خبرنامه‌ای اعلام کرده است که محمد اشرف غنی رئیس جمهور این کشور، با باسابرامانیام جایشنکر وزیر خارجه هند، دیدار کرد.
در خبرنامه ریاست جمهوری افغانستان آمده است: "در این دیدار که در اقامتگاه رئیس جمهور در بوستان سرای تاجیکستان در شهر دوشنبه انجام شد، هر دو جانب در خصوص همکاری های منطقوی در راستای پروسه صلح افغانستان، بحث و تبادل نظر نمودند."
این درحالیست که ساعات پیش، آقای غنی با محمد طاهر ذاکرزاده رئیس پارلمان آن کشور، دیدار کرده است.
دو طرف در این دیدار، درمورد گسترش مناسبات افغانستان و تاجیکستان در عرصه های مختلف به ویژه تقویت روابط مردمی و پارلمانی بحث و تبادل نظر نمودند.
آقای غنی در رائس یک یک هیئت بلندپایه دولتی برای شرکت در نشست قلب آسیا-روند استانبول به تاجیکستان رفته است، با امام‌علی رحمان دیدار کرد.
این دیدار امروز دوشنبه (29 مارچ) در کاخ ریاست جمهوری تاجیکستان انجام شده است. پیش از دیدار هر دو رئیس‌جمهور، امام‌علی رحمان طی یک مراسم ویژه تشریفاتی از آقای غنی پذیرایی کرد.
هیات عالی رتبۀ دولتی به منظور سفر رسمی دو روزه و اشتراک و سخنرانی در نهمین کنفرانس وزرای خارجه قلب آسیا- پروسۀ استانبول رفته است.
