به گزارش اسپوتنیک، محمدعارف عابر، سخنگوی والی غور به سلام‌وطندار می‌گوید که افراد وابسته به گروه طالبان، شب گذشته (سه‌شنبه، 25 قوس) پنج غیرنظامی را از منطقۀ «آهنگران» شهر فیروزکوه، مرکز این ولایت به گروگان گرفته‌اند.
عابر می‌افزاید که افراد گروگان گرفته‌شده، باشنده‌گان ولسوالی‌های «دولت‌یار» و «لعل و سرجنگل» هستند.
مسوولان محلی غور هم‌چنان می‌گویند، هنوز مشخص نشده است که طالبان این افراد را به چه دلیلی به گروگان گرفته‌اند.
طالبان تاکنون در این باره چیزی نگفته‌اند.
