قرارداد ده‌ سالهٔ انتقال برق میان افغانستان و ازبیکستان امضا شد

در همین حال عبدالعزیز کاملوف وزیر امور خارجهٔ ازبیکستان در بارهٔ جایگاه مهم افغانستان در سیاست خارجی ازبیکستان صحبت کرده گفت: "امیدواریم که این سفر تاریخی همکاری‌های سیاسی و‌ اقتصادی دو کشور را ارتقاء داده و روابط‌ ما را در زمینه‌های تجارت، ترانسپورت، انتقال برق و انرژی بیشتر از بیش گسترش دهد. "
آقای کاملوف بر حمایت ازبیکستان از روند صلح به رهبری و مالکیت افغانستان و موقف دولت جمهوری اسلامی افغانستان تأکید کرده افزود: امیدواریم که شاهد آغاز عاجل مذاکرات میان جمهوری اسلامی افغانستان و طالبان باشیم.
حنیف اتمر در این دیدار، در مورد لزوم آغاز زود‌هنگام مذاکرات صلح، حفظ نظام جمهوری و دست‌آوردهای 19 سال گذشته به منظور تامین صلح پایدار به آقای کاملوف معلومات داده است.
آقای اتمر نیز افزوده است : "ما خواهان ارتقای روابط سیاسی،‌ اقتصادی و فرهنگی با کشور دوست و همسایه ازبیکستان استیم."