مراسم نماز جنازۀ مرحوم محمد یوسف غضنفر نمایندۀ فوقالعادۀ رئیس جمهور در امور اقتصادی و تجارتی و کاهش فقر، عصر امروز طي مراسم رسمی با اشتراک محمد شاکر کارگر،... 05.07.2020, اسپوتنیک افغانستان
مراسم نماز جنازۀ مرحوم محمد یوسف غضنفر نمایندۀ فوقالعادۀ رئیس جمهور در امور اقتصادی و تجارتی و کاهش فقر، عصر امروز طي مراسم رسمی با اشتراک محمد شاکر کارگر، شماری از اعضای کابینه، عبدالمتین بیک، اراکین بلند پایۀ دولتی، هیات رهبری ولایت بلخ، نمایندهگان مردم، اعضای خانواده و شهروندان كشور، در شهر مزارشریف برگزار شد.
جلالتمآب رئیس جمهوری اسلامي افغانستان امروز با صدور حکمی، کمیسیونی را به ریاست محمد شاكر کارگر، رئيس عمومي دفتر مقام عالي، جهت برگزاری مراسم ویژه دولتی برای تشییع جنازه و فاتحهخوانی محمدیوسف غضنفر، ایجاد کرد. نمایندگان وزارتهای دفاع ملی، داخله، حج و اوقاف، اطلاعات و فرهنگ، دفتر شورای امنیت ملی، ریاست عمومی امنیت ملی، اداره مستقل ارگانهای محل و ریاست عمومی ادارهٔ امور ریاستجمهوری در ترکیب این کمیسیون شامل ميباشند. در مراسم جنازه، محمد شاکر کارگر پیام تسلیت جلالتمآب رئيس جمهور کشور را به خوانش گرفت. در پيام، از آقای غضنفر بهعنوان یکی از چهرههای تأثیرگذار اقتصادی و سیاسی کشور ياد شده، نبود وي را در حکومتداری و توسعۀ اقتصادی كشور ضايعه جبران ناپذیر خوانده است. همزمان نماز جنازۀ غيابي مرحوم محمد یوسف غضنفر با اشتراک جلالتمآب رئیس جمهور، اعضاي رهبري حكومت و سياسيون در ارگ رياست جمهوری خوانده شد.