به گزارش اسپوتنیک، مسوولین وزارت صحت و حمایت اجتماعی تاجیکستان امروز (چهارشنبه، ۲۷ می) اعلام کرده اند: "در تاجیکستان در شام روز چهارشنبه شمار بیماران کرونا ویروس ۱۵۸ نفر افزایش یافته و به ۳۴۲۴ نفر رسیده است".
به گفته این مسوولین، در تاجیکستان ۱۵۷۵ بیمار کووید ۱۹ صحت‌یاب شده اند و ۴۷ بیمار جان باخته اند.
در طول یک شبانه روز گذشته، هیچ بیماری در نتیجه ابتلا به این بیماری جان نباخته است.
برای ارایه خدمات به بیماران، وزارت صحت تاجیکستان یک مرکز طبی هوشمند ساخته است که در آن متخصصان وزارت صحت و دانشمندان مشهور در بخش طبابت با استفاده از تکنالوژی مدرن، به نیازمندان کمک مشورتی ارایه می‌کنند.
به تاریخ ۱۱ مارچ سازمان جهانی صحت شیوع کرونا ویروس را بیماری همه‌گیر جهانی اعلام کرد.
براساس آخرین آمار این سازمان، در سراسر جهان تا کنون بیش از ۵.۴ میلیون نفر به این ویروس آلوده شده اند و بیش از ۳۴۳ هزار نفر جان باخته اند.
