قروض 7 میلیاردی وزارت داخله به شرکت‌های ساختمانی

به گزارش اسپوتنیک به نقل از سلام وطندار، محمدداوود توتاخیل، رئیس اتحادیۀ این شرکت‌ها می‌گوید، آنان پروژه‌های ساختمانی وزارت داخله را از نزدیک به 5 سال پیش در ولایت‌های مختلف تطبیق کرده‌اند و به گونۀ رسمی به مسئولان این وزارت سپرده‌اند، اما پول آن که بیش از 7 میلیارد افغانی است تاکنون پرداخت نشده است.
آقای توتاخیل هشدار می‌دهد که اگر وزارت داخله پول آنان را نپردازد، به اعتراض‌شان ادامه می‌دهند.
اما نصرت رحیمی، معاون سخنگوی وزارت داخله به سلام‌وطندار می‌گوید، مشکل بدهکاری این وزارت از گذشته است و برای بررسی آن کمیسیونی تشکیل شده است.
با این حال، مسئولان شرکت‌های ساختمانی می‌گویند، وزارت داخله تقریباً از 200 شرکت ساختمانی بدهکار است و این امر سبب شده که شرکت‌های مذکور اکثر کارمندان‌شان را جواب دهند.