شش سال قبل اولین گروپ از پولیس وزارت داخله افغانستان که غرض تربیه کدرهای پولس به اکادمی پولیس شهر والگاگراد روسیه آمده شده بودند٬ تحصیلات شانرا موفقانه به اتمام رساندند. این محصلین دیپلوم های تحصیلات عالی خود را در رشته تحقیق وکریمینال تخنیک بدست اوردند.
بعد از اخذ دیپلوم سرپرست سفارت جمهوری اسلامی افغانستان جنرال عبدالغیورساسانی و معاون اتشه نظامی دگروال محمد عارف انیس با افسران پولیس ملاقات نمودند. جنرال ساسانی گفت: نتایج عالی ارزشهای اموزش مسلک یک پولیس حقوق دان را که نمایندگی از زحمات شش ساله شما دراکادمی پولیس والگاگراد مینماید باعث خرسندی همه ما وشما گردید و باید گفت که افغانستان به شما کدرهای مجرب وتحصیل یافته ضرورت دارد.
گفتنی است که کشورفدراسیون روسیه درزمان اتحاد شوروی سابقه ودرحال حاضر اکثریت کدرهای بخش نظامی واردوراغرض کسب تحصیلات عالی دربخش های مختلف به موسسات عالی تعلیمی نظامی وپولیس پزیرفته اند، کدرهای نظامی افغان را ارتقای سطح دانش مسلکی داده وروسیه دراین عرصه اموزشی دارای منابع علمی، میتودیکی وتجارب عالی دارد و اکثریت کدرهای پولیس افغان با زبان روسی و همچنین سلاح و افزار تخنیکی روسی اشنایی دارند.
