رمضان رحیم زاده وزیر داخله تاجکستان رسماً در روز دوشنبه مرگ امرالدین تباروف سرکرده گروه تروریستی "جماعت انصارالله" را که بنام "ملا امرالدین" شهرت داشت، تائید کرد.
وزیر در کنفرانس مطبوعاتی در شهر دوشنبه گفت:" ملا امرالدین در یکی از عملیات ها در خاک افغانستان یک ونیم سال قبل کشته شده است".
قبلاً بارها اطلاعات در باره مرگ تباروف در وزیرستان شمالی پاکستان منتشر شده بودند، ولی این معلومات رسماً تائید نشدند. در سال 2013 خبر منتشر شد که تباروف به ولایت شمالی تخار افغانستان که در سرحد با تاجکستان قرار دارد، آمده است. او در همانجا کشته شده است.
فعالیت گروه «جماعت انصارالله» در تاجکستان در سال 2012 از طرف محکمه عالی تاجکستان ممنوع اعلان شده بود. در کمیته امنیت دولتی تاجکستان اعلام داشته که اعضای این گروه در بی ثباتی اوضاع در خزان — بهار سال های 2010 — 2011 در شرق کشور و عمل تروریستی در سپتمبر سال 2010 در مقابل عمارت شعبه منطقوی مبارزه با جرایم سازمان یافته در ولایت سغد در شمال کشور و همچنان تلاش انجام سلسله اعمال تروریستی در شهر دوشنبه دست داشتند.
تاجکستان مرگ سرکرده گروه تروریستی "جماعت انصارالله" را تائید کرده است
© Предоставлено Мавзуной Абдуллоевой
عضو شوید
تائید خبر مرگ سرکرده گروه تروریستی "جماعت انصارالله" تاجکستان
