ولادیمیر پوتین رئیس جمهور روسیه در روز شنبه با امام علی رحمان رهبر تاجکستان صحبت تیلفونی انجام داد و حوادث که در این جمهوری رخ داده به مثابه تلاش بی ثبات ساختن اوضاع ارزیابی نمود. در این باره چینل اول تلویزیون به نقل از دمیتری پیسکوف سکرتر مطبوعاتی رئیس دولت روسیه خبر داد.
چینل اول تلویزیون روسیه در روز شنبه خبر داد: " رهبر روسیه حوادث در جمهوری را به مثابه تلاش بی ثبات ساختن اوضاع داخلی در کشور توصیف نمود و در باره حمایت از رهبری تاجکستان اظهار نظر کرد. پوتین و رحمان در باره برگزاری ملاقات جداگانه در جریان اجلاس مورخ 15 سپتمبر در دوشنبه توافق نمودند".
قبلاً وزارت داخله تاجکستان در باره چند حمله مسلحانه در دوشنبه و شهر وحدت خبر داده بود. طبق معلومات مقامات، در بین نیروهای وزارت داخله و دفاع تاجکستان تعداد کشته و زخمی شده اند. حملات را تورن جنرال عبدالحلیم نظروف، معاون اسبق وزارت دفاع تاجکستان رهبری میکرد که از طرف رئیس جمهور تاجکستان نسبت انجام جنایات سبکدوش شده است.
