به گزارش اسپوتنیک، ندا محمد ندیم، سرپرست وزارت تحصیلات عالی طالبان در سفر به تاتارستان روسیه، خواهان پشتیبانی از بخش آموزش در افغانستان شده است.
ندا محمد ندیم در نشست بین‌المللی وزیران معارف فدراتیف روسیه در جمهوری تاتارستان، حضور کادرهای مسلکی را در افغانستان مهم خوانده و از کشورهای همسایه خواسته است تا کادرها را به افغانستان بفرستند.
ندا محمد ندیم در این نشست گفته است: "از کشورهای دوست انتظار داریم تا با فرستادن کادرهای مسلکی به افغانستان و یا هم در کشورهای خود شان برای تربیه کادرهای مسلکی با فراهم کردن زمینه بورسیه‌ها، از تحصیلات عالی در افغانستان حمایت کنند."
این درحالیست که طالبان تحصیل را برای دختران و زنان ممنوع اعلام کرده اند.