به گزارش اسپوتنیک به نقل از افغانستان انترنشنل، محمود صیقل نماینده پیشین افغانستان در سازمان ملل می‌گوید: "به یک گروه تروریستی و غیرمشروع نباید اجازه داد نمایندگی‌های افغانستان در بیرون از کشور را اشغال کند".
به گفته محمود صیقل در خلای حکومت مشروع، نگهبانی از سفارت‌های افغانستان از وظایف کشور میزبان و همه شهروندان افغانستان است.
آقای صیقل روز یکشنبه با انتشار توییتی تاکید کرده است، که شهروندان افغانستان مقیم کشورهای خارجی در نگهبانی از سفارت‌ها و کنسولگری‌های افغانستان مسئولیت دارند.
یادآوری می کنیم، که با وجود اینکه تاکنون هیچ کشوری در جهان گروه طالبان را به عنوان حکومت افغانستان به رسمیت نشناخته است، با این حال برخی از کشورهای منطقه سفارتخانه‌ها و کنسولگری‌های افغانستان را به دیپلماتان این گروه واگذار کرده‌اند.