به گزارش اسپوتنیک به نقل از پیک آفتاب، سراج‌الدین مهرالدین، وزیر خارجه تاجیکستان در صحبت با رسانه‌های تاجیکستانی گفته است، که تاجیک‌ها بخش بزرگی از جمعیت افغانستان را تشکیل می‌دهند و باید در ساختار حکومت این کشور حضور داشته باشند.
با شدت گرفتن درگیری‌های مسلحانه بین نیروهای مقاومت پنجشیر و طالبان، وزیر خارجه تاجیکستان در صحبت با خبرگزاری خاور تاجیکستان گفته است، که حکومت افغانستان باید متشکل از همه اقوام از جمله تاجیک‌ها که بخش عمده‌ای از جمعیت این کشورند، باشد. سراج‌الدین مهرالدین افزوده که در این مورد، به گفتگوی مسالمت‌آمیز در افغانستان لازم است.
امام‌علی رحمان و ولادیمیر پوتین، رئیسان جمهور تاجیکستان و روسیه نیز پیش‌تر گفته بودند، که تاجیک‌ها بخش عمده‌ای از جمعیت افغانستان را تشکیل می‌دهند. رحمان در اینباره حتا با شاه‌محمود قریشی، وزیر خارجه پیشین پاکستان گفتگو کرده بود.
یادآوری می کنیم، که پس از چیرگی گروه طالبان بر افغانستان در یک معامله پنهانی، این گروه کابینه متشکل از 80 درصد بیشتر پشتون ها تشکیل داد و سران این گروه به کشورهای جهان می گوید، که حکومت ما فراگیر است.
در همین حال، کارشناسان می گویند: حکومت دین مدار و ایدئولوژیک هیچگاه به فکر یک حکومت فراگیر نیست و نمونه اش کشورهای بزرگ اسلامی است، که در یکی آن جمعیت شیعه هیچ حق مشارکت و تصمیم گیری ندارد و در دیگری سنی و سران گروه طالبان هم دنباله رو این کشورها هستند.