به گزارش اسپوتنیک، مرکز مطبوعاتی وزارت امور داخله تاجیکستان از کشته شدن محمد باقیروف رهبر گروه جنایتکاران سازمان یافته که متهم به سازماندهی شورش در تاجیکستان است، خبر داد.
وزارت امور داخله تاجیکستان نوشته است، در مرکز اداری منطقه خودمختار گورنو-بدخشان، شهر خاروغ، رهبر یک گروه جنایتکار سازمان یافته محمد باقیروف کشته شد.
بر پایه این گزارش: "محمد باقیروف در نتیجه درگیری های جنایی داخلی کشته شد".
این وزارت افزوده است، محمد باقیروف به سازماندهی شورش در خاروغ، راهپیمایی های ضد دولتی و بسته کردن بزرگراه بین المللی خاروغ-کلما که تاجیکستان را به چین متصل می کند متهم شده است.
یادآوری می کنیم، که از چند روز بدینسو در ولایت کوهستانی خاروغ بدخشان شورش های در برابر دولت تاجیکستان آغاز شده بود.