به گزارش اسپوتنیک در شب 10 نوامبر 143 پیلوتان/خلبان افغان با کمک ایالات متحده تاجیکستان را ترک کردند. رسانه های تاجیکستان روز چهارشنبه گزارش دادند که از زمان روی کار آمدن طالبان (سازمان ممنوعه در روسیه) در افغانستان، آنها به این کشور پناه برده اند.
همراه با خلبانان افغان، چندین خانواده از افغانستان، از جمله خبرنگاران، تاجیکستان را نیز ترک کردند.
بر اساس گزارش رسانه ها، روز قبل، سفارت ایالات متحده در دوشنبه قصد خود را برای انتقال 191 افغان از تاجیکستان به کشور ثالث و از آنجا به ایالات متحده به شمول خلبانان تایید کرد. گزارش شده است که در میان خلبانان دو زن باردار نیز حضور دارند که تحت نظر پزشکان تاجیکستان بودند.
پیش از این پیلوتان افغان در 15 آگست پس از تصرف کابل، پایتخت افغانستان توسط طالبان، از وطن خود خارج شدند.
یکی از خلبانان بازداشت شده در تاجیکستان به این رسانه گفته است که در حال حاضر چندین هزار خلبان و خدمه هواپیما و کارکنان نیروهای هوایی دیگر افغانستان پنهان شده‌اند و احساس می‌کنند توسط ارتش آمریکا، رها شده‌اند.