به گزارش اسپوتنیک، در بیانیه سرویس مطبوعاتی کرملین آمده است: "وضعیت دشوار سرحدات تاجیکستان و افغانستان ، ناشی از تشدید درگیری های مسلحانه در افغانستان، از جمله در منطقه سرحدی، مفصل مورد بحث قرار گرفت."
پوتین در حین گفتگو آمادگی خود را "برای پشتیبانی از تاجیکستان - هم به صورت دو جانبه و هم در چارچوب سازمان پیمان امنیت جمعی" تأیید کرد.
روسای جمهور همچنین برای تقویت بیشتر روابط روسیه و تاجیکستان در زمینه مشارکت و اتحاد استراتژیک اظهار نظر کردند. پوتین و رحمان توافق کردند که تماس ها را در سطوح مختلف ادامه دهند.
قابل ذکر است که روز دوشنبه، مرکز مطبوعاتی قوای سرحدی کمیته دولتی امنیت ملی تاجیکستان گزارش داد که پس از نبرد با طرفداران جنبش رادیکال طالبان (ممنوع در فدراسیون روسیه) ، بیش از هزار سرباز افغان به خاک تاجیکستان عقب نشینی کردند. تاجیکستان طی دو هفته گذشته ، شاهد چندین مورد انتقال اجباری نیروهای افغان به خاک تاجیکستان شده است.
