به گزارش اسپوتنیک به نقل از فارس، در منطقه مرزی ولایت «ختلان» تاجیکستان با پشتیبانی مالی امریکا پست مرزی «آکولتون» برای نیروهای مرزبانی کمیته دولتی امنیت ملی این کشور احداث و مورد بهره برداری قرار گرفت.
مراسم گشایش این پست مرزی با حضور سرهنگ «عبدالستار شاهیان» معاون نیروهای مرزبانی کمیته دولتی امنیت ملی تاجیکستان و جون گینکل کاردار سفارت امریکا در این کشور برگزار شد.
این پست مرزی پتانسیل پیشتری را برای نظارت و گشت زنی در مرز با افغانستان در منطقه «شهر طوس» استان ختلان به نیروهای مرزبانی تاجیکستان فراهم می‌کند.
پروژه ساخت این پست مرزی 900 میلیون دالر را تشکیل و توسط دفتر همکاری‌های نظامی سفارت امریکا در تاجیکستان سرمایه گذاری شده است.
از این پست مرزی می‌توان مرز را در فاصله 15-20 کیلومتری کنترل و نظارت کرد.
سفارت امریکا با هدف تقویت امنیت در مرزهای تاجیکستان از احداث 9 پست مرزی و 2 واحد نظامی در امتداد مرز این کشور با افغانستان پشتیبانی مالی کرده است.
یادآوری می کنیم، که از سال 2005 میلادی دولت امریکا برای تقویت امنیت مرزهای تاجیکستان به این کشور به حجم بیش از 100 میلیون دالر کمک مالی کرده است.
