به گزارش اسپوتنیک، رحمت‌الله نبیل، رئیس سابق امنیت ملی افغانستان، در یازدهمین دور کنفرانس امنیتی هرات در شهر دوشنبه تاجیکستان گفت ممکن است طالبان این سلاح‌ها را از پاکستان تهیه کنند یا به مهندسان برای به دست آوردن آن پول بپردازند.
آقای نبیل در یازدهمین دور کنفرانس امنیتی هرات در شهر دوشنبه تاجیکستان گفت "منطقه با فقدان دید آگاهی، بینش و اجماع در مورد طالبان مواجه است".
به گفته او "دیدگاه‌ها بسیار متفاوت‌اند؛ برخی افغانستان را سیاه‌چاله می‌دانند و برخی دیگر به‌عنوان یک فرصت به آن نگاه می‌کنند. با این حال مسیر بازگشت افغانستان به مردمش نیازمند حل این دیدگاه‌های متفاوت است".
یازدهمین کنفرانس امنیتی هرات روز دوشنبه، ششم قوس، با حضور شمار زیادی از چهره‌های مخالف طالبان، کارشناسان و سیاستمداران در پایتخت تاجیکستان برگزار شده است.