د اسپوتنیک په وینا، د ترکیې ولسمشر رجب طیب اردوغان اعلان وکړ چې هغه پلان لري چې د روسیې له ولسمشر ولادیمیر پوتین سره په ناسته کې د آبی-هوایی اور وژونکو الوتکو د پیرودلو په اړه خبرې وکړي.
هغه وویل، چې د ترکیې اړونده اداره د هیواد له مشرتابه څخه ۱۰۰ میلیونه لیره د روسي اوروژونکو چورلکو او الوتکو د رانیولو لپاره ترلاسه کړي دي.
ولسمشر زیاته کړې ده چې ترکیه د اورلګېدنو په وړاندي د مبارزې لپاره یادو الوتکو ته خورا اړتیا لري.
د ترکیې په اکثرو سیمو کې د هوا تودوخه تر ۳۰ درجو او تر جمعې ورځې پورې په ځینو سیمو کې به تر ۴۴ درجو پوري ورسېږي. د ترکیې په بېلابېلو برخو کې نږدې هره ورځ په ځنګلونو کې اور لګېږي.
د فبرورۍ په میاشت کې، د روسیې د Be-200 ټانکرونو هغه اورونه مړه کړل چې د زلزلې وروسته د ترکیې په یاهچي ښارګوټي او اسکندرون بندر په ساحه کې رامنځ ته شوي وه.
په 2021 کې، د انقرې په غوښتنه، د روسیې د دفاع وزارت او د بیړنیو حالاتو وزارت ګډه هوايي ډله د اور وژنې د الوتکو او 11 قلم تجهیزاتو سره د اوروژنو په موخه ترکیې ته استول شوې وه.