به گزارش اسپوتنیک به نقل از هشت صبح، تیم ملی فوتبال زیر ۱۴ سال افغانستان در نخستین دیدارش در چهارچوب رقابت‌های قهرمانی مرکز آسیا (CAFA) توانست با نتیجه یک بر صفر در برابر تیم ملی ایران به پیروزی برسد.
این دیدار روز جمعه، ۲۰ عقرب، ساعت ۳:۳۰ عصر در ورزشگاه شهر‌حصار تاجیکستان برگزار شد.
گفتنی است که تیم ملی نونهالان افغانستان برای شرکت در رقابت‌های زیر ۱۴ سال مرکز آسیا، پس از چاشت روز دوشنبه هفته جاری، کابل را به مقصد دوشنبه، پایتخت تاجیکستان، ترک کرد.
رقابت‌های قهرمانی مرکز آسیا (CAFA) در رده سنی زیر ۱۴ سال، از تاریخ ۲۰ الی ۳۰ عقرب برگزار می‌شود و افغانستان به مصاف تیم‌های ایران، ترکمنستان، اوزبیکستان و تاجیکستان خواهد رفت.
بازی آینده افغانستان روز دوشنبه، ۲۳ عقرب، در برابر تیم ملی فوتبال ترکمنستان ساعت ۳:۳۰ عصر به وقت کابل برگزار خواهد شد.