به گزارش اسپوتنیک، جبهه مقاومت ملی افغانستان میگوید که طالبان 16 عضو رهبری گروههای هراسافکن را به ولایتهای شمالشرق کشور مستقر کردهاند.
جبهه مقاومت با نشر یک خبرنامه گفته است: "حاجی فرقان رهبر جنبش اسلامی ترکستان شرقی، مولوی ابراهیم مسوول جماعت انصارالله تاجیکستان، شیخ ذاکر مسوول تحریک اسلامی اوزبیکستان و عبدالحق اویغوری مسوول شاخه القاعده در شمال کشور، روز سهشنبه، 20 آگست 2022، به کابل آمدند و در سرک 11 وزیر اکبر خان در حویلی حاجی افضل که در اختیار شبکه حقانی قرار دارد، سه روز را سپری کردند."
به گفته جبهه مقاومت، این رهبران گروههای مسلح خارجی با سراجالدین حقانی، وزیر داخله طالبان، دیدار کرده و توافق کردهاند که تا شش ماه آینده 50 درصد از تمام جنگجویان خارجی به آسیای میانه اعزام شوند.
بربنیاد فیصله، قرار است شمار زیادی از جنگجویان از کشورهای عربی و کشورهای منطقه وارد خاک افغانستان شوند.
مولوی ابراهیم تاجیک از سوی شبکه حقانی مسوول عمومی شبکه جنگجویان خارجی تعیین شده است.
اخیرا تاجیکستان و پاکستان از حضور و تجمع گسترده تروریستان در افغانستان ابراز نگرانی کردهاند.