به گزارش اسپوتنیک، شماری از مهاجران افغان با تجمع در شهر اولدنبورگ آلمان، طالبان را "گروه تروریستی" خوانده، تاکید کردند که به رسمیت‌شناختن این گروه خیانت به مردم افغانستان است.
اعتراض‌کننده‌گان از دیگر شهروندان افغانستان نیز خواستند که در آستانه یک ساله‌گی تسلط طالبان بر افغانستان، "اعتراضات سرتاسری در تمام کشورهای جهان" راه‌اندازی کنند.
معترضان با حمل پلاکاردهایی خواهان توقف "نسل‌کشی هزاره‌ها و تاجیک‌ها" و ایستاده‌گی در کنار زنان کشور شدند.
این اعتراضات در حالی صورت می‌گیرد که در داخل افغانستان طالبان حرکت‌های اعتراضی، به‌ویژه اعتراضات زنان را به شدت سرکوب کرده‌اند.