به گزارش اسپوتنیک، ادارۀ تربیت بدنی و ورزش زیر حاکمیت طالبان از برگزاری رقابت‌های کشتی محلی به مناسبت روزهای عید قربان در ولسوالی سنگین ولایت هلمند خبر داده است.
طبق معلومات ادارۀ تربیت بدنی و ورزش، این رقابت‌ها برای تجلیل عید سعید اضحی میان ورزشکاران ولایت هلمند برگزار گردیده است که در سه روز عید ادامه خواهد داشت.
به گفته مسوولان، در این رقابت‌ها ده ورزشکار از سراسر هلمند اشتراک نموده اند.مسابقات کشتی محلی برای تجلیل از روزهای عید در بیشتر ولایت‌های کشور برگزار می‌شود که برای دیدن آن صدها تماشاچی اشتراک می‌نمایند.