انتقاد تند سیاست‌گران از دعوت نشدن‌ به نشست علمای طالبان

به گزارش اسپوتنیک، آنان بر همه‌شمول بودن چنین نشست‌ها تاکید ورزیده، می‌گویند که نشست عالمان دین بی حضور نماینده‌گان مردم نمی‌تواند راه را برای شناخته شدن امارت اسلامی در جامعه جهانی باز کند.

سید اسحاق گیلانی، رهبر نهضت همبستگی ملی به طلوع نیوز می گوید: "شخصیت‌های که تاثیرگذار استند در عرصه‌های مختلف زنده‌گی، اگر اشتراک می‌کردند، به یقین که یک راه خوبی را این شورا می‌گرفت که به نفع ملت افغانستان می‌بود و بر شناخت امارت اسلامی از سوی جامعه جهانی موثر می‌بود."

از سویی هم، مقام‌های بلندپایه حکومت پیشین به ویژه حامد کرزی، عبدالله عبدالله، فضل هادی مسلمیار و شماری دیگر از چهره‌های سیاسی نیز به این نشست دعوت نشده اند.