به گزارش اسپوتنیک، اولین کمک‌های بشردوستانه هند به مردم زلزله‌زده ولایت‌های پکتیکا و خوست اواخر عصر روز گذشته وارد کابل شد.
ذبیح الله مجاهد، سخنگوی طالبان در توییتر خود نگاشته است "به دوام کمک ها با زلزله زده گان، کمک های بشری هندوستان نیز به افغانستان مواصلت ورزید. ا.ا.ا از کشورهای کمک کننده امتنان می نماید".
طبق گزارش‌ها، هند در مجموع به وزن 25 تن از جمله خیمه، پتو، لباس و دارو برای زلزله‌زده‌گان افغانستان کمک کرده است.
این در حالی است که برخی دیگر از کشور‌‌ها از جمله تاجیکستان، ایران و پاکستان نیز به زلزله‌زده‌گان افغانستان کمک‌های بشردوستانه ارسال کرده‌اند.