به گزارش اسپوتنیک به نقل از آماج، گلبدین حکمتیار رهبر حزب اسلامی در تازه‌ترین اظهاراتی به مقام‌های تاجیکستان می‌گوید، که براساس سیاست امریکا عمل نکنند.
او می‌گوید، که تاجیکستان "مخالفان افغانستان" را تجهیز و پناه می دهد و گروه طالبان هم باید مخالفان دوشنبه را پناه بدهد.
رهبر حزب اسلامی می‌گوید، که حکومت‌های ائتلافی در افغانستان نتیجه نمی‌دهد، به همین منظور اقتدار باید یک‌دست باشد.
اما او افزوده است، که حکومت نیز باید به شکل مخلصانه به خواسته‌ها و حقوق مردم تمکین کند.
یادآوری می کنیم، که با فروافتادن جمهوریت و گریز اشرف غنی، گروه طالبان در تاریخ 15 اگوست سال گذشته میلادی وارد کابل شد.