به گزارش اسپوتنیک، تیم ملی فوتسال زیر 19 سال افغانستان امروز ساعت 2:30 به وقت کابل در قرقیزستان به مصاف تیم ملی فوتسال تاجیکستان خواهد رفت.
تیم ملی فوتسال زیر 19 سال افغانستان، امروز در حالی به مصاف تاجیکستان میرود که بازی اول خود را به ایران واگذار کرد و بازی دوم خود را با نتیجه 5 بر 3 در برابر قرقیزستان به پیروزی رسید.
بازی بعدی تیم فوتسال زیر 19 سال افغانستان در دور گروپی با ازبیکستان برگزار خواهد شد. گفتنی است جام فوتسال کشورهای آسیای میانه در حال حاضر در قرقیزستان آغاز شده است.