به گزارش اسپوتنیک، ایگور لیاکین فرولوف سفیر روسیه در دوشنبه تاجیکستان گفت: سرویس های امنیتی ویژه تاجیکستان و روسیه برای شناسایی شبه نظامیان در میان پناهجویان تلاش می کنند.
سفیر روسیه در تاجیکستان می‌گوید در صورت وخامت اوضاع در افغانستان، 11 تا 12 هزار نفر از شهروند این کشور ممکن است تا پایان سال 2022 به تاجیکستان بیایند.
سفیر روسیه افزود، سرویس های ویژه تاجیکستان و روسیه به طور مداوم برای شناسایی شبه نظامیان در میان مهاجرین از افغانستان تلاش می کنند.
فرلوف تاکید دارد که باید با هر گونه اقدام غافلگیرانه آماده شد: " تعامل میان طالبان و سازمان‌های تروریستی پدیده‌ای مبهم است، پیش‌بینی چگونگی توسعه آن در آینده دشوار است".
به گفته او در صورت وخامت بیشتر اوضاع در افغانستان به دلیل بحران های عمیق اجتماعی-اقتصادی و بحران انسانی، ممکن است موج جدید از پناهجویان به تاجیکستان بیایند.
در حال حاضر، مقامات تاجیکستان، همراه با شرکای بین المللی به رهبری دفتر کمیساریای عالی سازمان ملل متحد در امور پناهندگان، در حال برنامه ریزی هستند.
فرلوف می گوید، امیدواریم که دوشنبه از هجوم گسترده جدید پناهجویان جلوگیری کند، این خود نیاز به هزینه مالی جدی، کار، پذیرش، بررسی و مسکن دارد.