به گزارش اسپوتنیک به نقل ازروزنامه هشت صبح، یکی از پزشکان که نخواست از وی نام برده شود، روز دوشنبه، 27 جدی به رسا نه ها می‌گوید، او و همکارانش از شش ماه بدین‌سو معاش نگرفته‌اند.
به گفته این پزشک، آنان پولی برای خرید مواد غذایی ندارند، اما مسوولان وزارت صحت عامه هیچ توجهی به آنان نکرده‌اند.
پزشکان معترض می‌گویند، در حالی که بارها برای پرداخت معاش‌شان به مسوولان صحت عامه مراجعه کرده‌اند، این مسوولان تنها وعده می‌دهند و در عمل کاری نمی‌کنند.
پزشکان و کارمندان شفاخانه دولتی تخار هشدار می‌دهند، اگر به خواست‌های آنان رسیده‌گی نشود، دست از کار خواهند کشید.
این در حالی است که روز یک‌شنبه، 26 جدی، آموزگاران دو ولسوالی تخار نیز به دلیل پرداخت نشدن معاش شان دست به اعتراض زدند.