به گزارش اسپوتنیک، وزارت تحصیلات عالی طالبان در صفحه توییترش نگاشته است که عبدالباقی حقانی، سرپرست وزارت تحصیلات عالی، در جریان سفرش به پاکستان با عارف علوی رییس‌جمهور آن کشور، شفقت محمود وزیر تعلیم (تعلیم و تربیه) و رییس پوهنتون بین‌المللی اسلام آباد دیدار کرد.
قابل ذکر است که چندی پیش احمد تقی سخنگوی وزارت تحصیلات عالی گروه طالبان گفته بود، که عبدالباقی حقانی، سرپرست وزارت تحصیلات عالی در رأس یک هیات امروز برای بحث در باره بورسیه‌های تحصیلی برای دانشجویان افغان و همکاری‌های دو جانبه به پاکستان سفر کرده است.