به گزارش اسپوتنیک، رسانه‌های هندی به نقل از مقام‌های امنیتی این کشور گزارش داده‌اند که نشست امنیتی منطقه‌ای دهلی در مورد افغانستان در آستانه برگزاری است.
دیلی میل نوشته است که پس از پاکستان، چین نیز از اشتراک در نشست امنیتی دهلی در هند صرف نظر کرده است.
نشست امنیتی منطقه‌ای دهلی در مورد افغانستان فردا چهار شنبه (19 عقرب) با اشتراک مشاوران امنیت ملی هفت کشور و با ریاست آجیت دوال، مشاور امنیت ملی هند، برگزار می‌شود.
مشاوران امنیت ملی ایران، قزاقستان، جمهوری قرغیزستان، روسیه، تاجیکستان، ترکمنستان و اوزبیکستان در این نشست حضور خواهند داشت.
آجیت دوال، مشاور امنیت ملی هند، در آستانه برگزاری این نشست با مشاوران امنیت ملی تاجیکستان و اوزبیکستان امروز در مورد افغانستان دیدار و گفت‌وگو کرده است.
این نشست در حالی قرار است فردا برگزار شود که مقام‌های امنیتی پاکستان و چین با وجود دعوت هند از این کشورها، در آن اشتراک نمی‌کنند.