به گزارش اسپوتنیک، رئیس کمیته دولتی امنیت ملی تاجیکستان گفت: به‌ویژه در دو ماه گذشته، ما هجوم افرادی را که می‌خواهند از افغانستان به تاجیکستان نقل مکان کنند، احساس می‌کنیم. تعداد مهاجران در حال حاضر از 15 هزار نفر فراتر رفته است.
وی می‌گوید: روزانه 500-600 نفر (مهاجر افغان) تلاش می‌کنند از مرز دولتی تاجیکستان با افغانستان عبور کنند.
اوایل ماه اگست طالبان حملات خود علیه نیروهای دولتی افغانستان را افزایش داد. 15 اگست نیروهای طالبان وارد کابل شدند و کنترول کاخ ریاست‌جمهوری را به دست گرفتند. سپس گزارش شد اشرف غنی رئیس‌جمهور افغانستان کشور را ترک کرده است. بامداد 16 اگست طالبان اعلام کرد که جنگ در افغانستان به پایان رسیده است و شکل حکومت آینده افغانستان به زودی مشخص خواهد شد. روز 7 سپتمبر طالبان فهرست اعضای دولت جدید افغانستان را اعلام کرد. آنها وعده سپرده بودند که حکومت آینده همه‌شمول خواهد بود، اما در نتیجه، از بیش از 30 نفر از اعضای دولت جدید افغانستان، تنها سه وزیر نماینده اقلیت‌های قومی بودند.