به گزارش اسپوتنیک، خبرگزاری رسمی تاجیکستان اظهار داشته است که امام‌علی رحمان، رئیس جمهور تاجیکستان با شوکت میرضیایف همتای اوزبک خود پیرامون تحولات افغانستان تلفنی گفت‌وگو کرد.
به گفته خبرگزاری خاور، طرفین مسائل منطقه به ویژه تحولات افغانستان را مورد بحث و گفت‌وگو قرار دادند.
نیز گفته شده است، همچنین رهبران تاجیکستان و ازبکستان در این مکالمه تلفنی در باره روابط دوجانبه و گسترش همکاری‌ها تبادل نظر کردند.
اوضاع در افغانستان به‌ویژه در ده روز اول ماه اگست بدتر شد، زمانی که طالبان (گروه ممنوع در روسیه) حملات خود را علیه نیروهای دولتی تشدید کردند. تنها ولایت که طالبان آن را نتوانسته اند به تصرف خود دربیاورند، ولایت پنجشیر در شمال شرقی کابل است. در تاریخ 15 اگست طالبان وارد کابل شدند و کنترول ارگ ریاست‌جمهوری را در دست گرفتند. اشرف غنی روز یکشنبه قبل از ورود نیروهای طالبان به کابل، افغانستان را به مقصد تاجیکستان ترک و در پیامی اعلام کرد برای جلوگیری از خونریزی کشور را ترک می‌کند! با این حال تاجیکستان غنی را نپذیرفت و او مجبور شد امارات متحده عربی را برای پناه بردن انتخاب کند.