به گزارش اسپوتنیک به نقل از رسانه ها، فرهاد عظیمی، والی بلخ، امروز (سه‌شنبه، ۸ سرطان) در یک نشست خبری گفت که هیچ نیروی از افغانستان به تاجیکستان فرار نکرده و نه هم زمینه‌ی فرار آنها فراهم شده است.
به‌گفته‌ی او، شماری از نیروها به بندر حیرتان عقب‌نشینی کرده بودند که دوباره در موقعیت‌های اصلی‌شان جابه‌جا شده‌اند.
پیش از این خبرگزاری دولتی تاجیکستان (خاور) گزارش کرده بود که ۱۷ نفر از نیروهای مرزی افغانستان پس از آن‌که نتوانستند در برابر حملات طالبان در روستای چک چک ولسوالی کلدار ولایت بلخ مقاومت کنند، از طریق پاسگاه شهرتوس وارد تاجیکستان شده‌اند.