سفر رئیس مجلس نمایندگان افغانستان به تاجیکستان

به گزارش اسپوتنیک، میر رحمان رحمانی رئیس مجلس نمایندگان در راس یک هیات پارلمانی جهت اشتراک در نشست «پیمان امنیت اجتماعی» راهی تاجیکستان شد.
نشست پیمان امنیت اجتماعی به میزبانی کشور تاجیکستان برگزار می شود.
در این نشست افزون‌بر رئیس مجلس نمایندگان افغانستان، رئیسان پارلمان کشورهای عضو نیز اشتراک می کنند.
در این نشست رحمانی پیرامون تامین امنیت منطقه‌ای، مبارزه مشترک با تروریزم، تقویت هر چه بیشتر روابط پارلمانی با کشورهای عضو و روند صلح افغانستان صحبت خواهد کرد.

یادآوری می کنیم، که رئیس پارلمان افغانستان در حالی به تاجیکستان می رود، که درگیری ها در بیشتر ولایت های افغانستان جریان دارد.