به گزارش اسپوتنیک، ولادیمیر زین الدینوف، سخنگوی سازمان پیمان امنیت جمعی اعلام کرد سازمان پیمان امنیت جمعی، بخاطر اوضاع در مرز با افغانستان تمام کمک های لازم به تاجیکستان فراهم می‌کند.
او گفت: "در صورت درخواست تاجیکستان از سازمان پیمان امنیت جمعی، تمام کمک لازم فراهم می‌شود. به اساس توافق‌نامه و منشور سازمان پیمان امنیت جمعی، این کمک ها می تواند سیاسی، نظامی و فناوری باشد".
او افزود: "تا حال تاجیکستان بخاطر اوضاع پیش‌آمده در خاک افغانستان در نزدیکی مرزهای این جمهوریت، به سازمان پیمان امنیت جمعی مراجعه نکرده است".
این در حالی که چندی پیش، مرکز مطبوعاتی نیروهای مرزی کمیته دولتی امنیت ملی تاجیکستان گفته بود که در نتیجه حمله طالبان به پاسگاه مرزی اوکچه در ولسوالی کلدار بلخ، 17 نظامی به خاک تاجیکستان عقب نشینی کردند.