به گزارش اسپوتنیک، وزارت امور داخله افغانستان امروز یکشنبه ۲ جوزا ۱۴۰۰ نوشت: منسوبان پولیس مبارزه با جرایم جنایی، روز گذشته، سه‌تن را که می‌خواستند در بدل اجرای ویزه کشور پاکستان از شهروندان پول بگیرند، در شهر کابل بازداشت کردند.
وزارت امور داخله افزوده است، که این افراد از هر فرد ۱۲ هزار افغانی گرفته، وعده می‌کردند، که در مدت یک‌روز برای‌شان ویزه می‌گیرند. درحالی‌که ویزه‌ی آن‌کشور براساس تعهدهای دیپلماتیک میان افغانستان و پاکستان، رایگان اجرا می‌شود.
یادآوری می کنیم، که بیشتر شهروندان افغانستان به خاطر بازرگانی و درمان به پاکستان سفر می کنند.