به گزارش اسپوتنیک، سرویس مطبوعاتی ریاست جمهوری افغانستان، با نشر خبرنامه‌ای اعلام کرده است که محمد اشرف غنی احمدزی قبل از ظهر امروز با امام علی رحمان رئیس جمهور تاجیکستان، صحبت تیلفونی کرد.
طی این تماس دو طرف، درمورد گسترش روابط دوجانبه، پروسۀ صلح افغانستان و همکاری های منطقوی بحث و تبادل نظر نمودند.
آقای رحمان، در این دیدار از دیدگاه‌ها حکومت افغانستان، در عرصه اتصال منطقوی و پروسۀ صلح به رهبری و مالکیت افغان‌ها پشتیبانی نمود.
در خبرنامه ریاست جمهوری افغانستان آمده است: " همچنان رؤسای جمهور دو کشور بر گسترش همکاری های اقتصادی، تجارتی و سرحدی تاکید ورزیدند و رئیس جمهور تاجیکستان از رئیس جمهور غنی بخاطر اشتراک در ۲۰ مین سالگرد تاسیس سازمان همکاری های شانگهای که در تاجیکستان برگزار می گردد، دعوت بعمل آورد. به همین ترتیب هر دو جانب در مورد آمادگی ها برای کنفرانس قلب آسیا که در ماه مارچ تدویر می یابد، صحبت نمودند.