به گزارش اسپوتنیک، در حساب توییتر فریدون خوزن، سخنگوی شورای عالی مصالحه ملی گفته شده است که این سفر فردا، (دوشنبه، ۱ جدی) صورت می‌گیرد و در جریان آن آقای عبدالله با مقامات ارشد این کشور از جمله رییس جمهور اما‌م علی رحمان، نخست‌وزیر، وزیر خارجه و ومقام‌های دیگر تاجیکستان دیدار خواهد کرد.
این سفر در ادامهٔ سفرهای آقای عبدالله در منطقه است که برای جلب حمایت کشورهای منطقه از پروسهٔ صلح و تقویت اجماع منطقه‌یی صورت می‌گیرد.
پیش از این، پاکستان، هند، ایران، ازبیکستان و ترکیه، کشورهای دیگری بودند که آقای عبدالله به آن‌جا سفر و با مقامات این کشورها دیدار و دربارهٔ روند صلح افغانستان، گفتگو کرده بود.