به گزارش اسپوتنیک، سفارت تاجیکستان در کابل نوشت: سعدی شریفی سفیر تاجیکستان در کابل با عبدالله عبدالله رئیس شورای عالی مصالحه ملی افغانستان دیدار و گفت‌وگو کرد.
در جریان این ملاقات موضوع سفر قریب الوقوع رئیس شورای عالی مصالحه ملی افغانستان به تاجیکستان و بعضی مسائل همکاری میان دو کشور دوست مورد بررسی قرار گرفت.
عبدالله، تاجیکستان را همسایه دوست و برادر افغانستان عنوان کرد و ابراز امیدواری نمود که سفر وی و هیئت همراش به این کشور دستاوردهای زیادی در بر خواهد داشت.
شریفی به نوبه خود با اشاره به پشتیبانی تاجیکستان از دولت و مردم افغانستان در همه زمینه ها سفر آتی عبدالله به «دوشنبه» را زمینه ساز گسترش بیشتر روابط بین دو کشور برادر خواند.
در بخش دیگری این دیدار درباره وضعیت کنونی افغانستان، تحولات در روند صلح و گفت و گوهای میان افغانستانی تبادل نظر صورت گرفت.