به گزارش اسپوتنیک به نقل از سلام وطندار، باشنده‌گان ولسوالی‌های آقچه، مردیان و منگجیک ولایت جوزجان ابراز داشته اند که گروه تروریستی طالبان به بهانه مبارزه با کرونا از آنها پول جمع‌آوری کرده‌اند.
در عین حال عبدالمعروف آذر، سخنگوی والی جوزجان، با تائید خبر گفته است که گروه طالبان از باشنده‌گان این ولایت به بهانۀ پیش‌گیری از گسترش ویروس کرونا به جبر پول می‌گیرند.
باشندگان این ولایت می‌گویند که این گروه «بدتر از ویروس کرونا» عمل می‌کند و به کارهای غیرانسانی متوسل می‌شود.
گروه تروریستی طالبان هشدار داده‌اند، در صورتی که خانواده‌ها به آنها پول را نپردازند، شکنجه و یا کوچ اجباری داده خواهند شد. آنها هر خانواده بین 1000 تا 1500 افغانی پول می‌گیرند.
اما ذبیح‌الله مجاهد، یکی از سخنگویان گروه طالبان ادعای حکومت محلی جوزجان را رد کرده است.