به گزارش اسپوتنیک به نقل از وزارت صحت عامه کشور، داکتر پپر کورن، نماینده سازمان جهانی بهداشت در افغانستان، امروز(دوشنبه،25حمل) یک محموله کمک‌های این سازمان را به وزارت صحت عامه افغانستان تسلیم کرده است.
این محموله شامل 10 هزار کیت محافظتی و 12 هزار کیت تشخیص ویروس کرونا می‌باشد.
فیروزالدین فیروز، وزیر صحت عامه کشور گفته است که مواد کمک شده، می‌تواند این وزارت را در راستای حفاظت از جان کارمندان صحی در برابر ویروس کرونا و تشخیص واقعات مثبت این ویروس کمک کند و در حال حاضر این مواد صحی یکی از ضروریات مهم این وزارت به شمار می‌رود.