به گزارش اسپوتنیک، دفتر مطبوعاتی وزارت دولت در امور صلح با نشر یک خبرنامه نوشته است که وزیر دولت در امور صلح در این دیدار گفت که گروه بین‌المللی حمایت از روند صلح بنا به هدایت رئیس جمهوری اسلامی افغانستان در راستای تقویت اجماع بین‌المللی روی صلح و انسجام تلاش‌های بین‌المللی در این راستا ایجاد می‌گردد.
سفیر روسیه از ایجاد گروه بین‌المللی حمایت از روند صلح افغانستان استقبال نمود و آن را یک گام مؤثر در راستای انسجام فعالیت‌های بین‌المللی خواند.
در گروه بین‌المللی حمایت از روند صلح افغانستان، وزارت دولت در امور صلح به نمایندگی از حکومت رهبری این گروه را به عهده دارد. همچنین امور دارالانشای این گروه از سوی این وزارت پیش برده می‌شود.