به گزارش اسپوتنیک به نقل از طلوع نیوز، در درگیری مسلحانه در داخل تعمیر فرماندهی پولیس ولایت بغلان، یک تن کشته شده‌است و چندین تن دیگر زخم برداشته‌اند.
منابع در شورای ولایتی بغلان، می‌گویند که این درگیری بر سر معرفی فرماندۀ پولیس محلی پلخمری آغاز شد.
نصرت رحیمی، سخنگوی وزارت امور داخله می‌گوید که حوالی ساعت 6:30 شام امروز بین معاون شورای ولایتی بغلان فرمانده پولیس محلی پلخمری امین اکاخیل، در گیری مسلحانه صورت گرفته، درنتیجه برادر امین اکاخیل کشته، خود معاون شورای ولایتی و قوماندان پولیس محلی مجروح گردیده اند.
به اساس هدایت رهبری وزارت امور داخله یک هیئت باصلاحیت تحت رهبری یکی از معینان وزارت برای بررسی همه جانبه آن توظیف گردیده، به زودی نتیجه تحقیقات و نتیجه اجرائات قانونی در قبال آن شریک می‌گردد.