به گزارش اسپوتنیک به نقل از دفتر مطبوعاتی رئيس جمهور پیشین افغانستان، حامد کرزی به منظور اشتراک در مراسم تجلیل از صدمین سالگرد روابط دیپلوماتیک روسیه و افغانستان به فدراسیون روسیه دعوت گردید.
دعوتنامه این مراسم را، که قرار است هفتهٔ آینده در مسکو برگزار گردد، الکساندر منتیتیسکی سفیر فدراسیون روسیه مقیم کابل به حامد کرزی تقدیم کرد که از سوی رئیس جمهور پیشین به خوشی پذیرفته شد.
حامد کرزی روابط دوجانبه میان افغانستان و روسیه را نه تنها کهن بلکه یکی از مهمترین روابط افغانستان عنوان نموده بر تحکیم و گسترش هر چه بیشتر آن تاکید کرد.
قابل ذکر است که روابط دیپلوماتیک روسیه و افغانستان وارد صدمین سال می‌شود، اتحاد جماهیر شوروی سابق یکی از نخستین دولت‌هایی بود که صد سال قبل استقلال افغانستان را به رسمیت شناخت.