به گزارش اسپوتنیک، امروز (سه شنبه، ۵ فبروری/ ۱۶ دلو) نخستین نشست بین‌الافغانی در پایتخت روسیه برگزار شد.
در این نشست علاوه بر حامد کرزی، رئیس جمهور پیشین افغانستان، محمد یونس قانونی، عضو هیأت رهبری حزب جمعیت اسلامی افغانستان، محمد محقق، معاون ریاست اجراییه افغانستان، عطا محمد نور، رئيس اجراییه حزب جمعیت اسلامی افغانستان و ده‌ها تن از سیاسیون دیگر افغان حضور داشتند.
یگ گروه ده نفری طالبان نیز به رهبری شیر محمد عباس استانکزی در این نشست شرکت ورزیده است.
اشتراک‌کنندگان این نشست را یک نشست تاریخی خوانده، آنرا نخستین گام برای آغاز مذاکرات بین‌الافغانی نامیده اند.
نشست بین‌الافغانی به ابتکار و سازماندهی اتحادیه افغان‌های مقیم در روسیه برای دو روز در روزهای ۵ و ۶ فبروری با اشتراک سیاسیون افغان و نمایندگان طالبان برگزار می‌شود.