به گزارش اسپوتنیک به نقل از روزنامهٔ Figaro، ناتالی لوازو، وزیر حکومت فرانسه در امور کشورهای اروپایی گفته است: "انتخابات (نیکولاس) مادورو یک مسخرگی بود. اگر تا شام امروز وی مسوولیت برگزاری انتخابات ریاست جمهوری را به عهده نگیرد، ما آقای گوایدو را به‌عنوان رئيس جمهور قانونی ونزوئلا می‌شماریم".
خوان گوایدو، رئيس پارلمان ونزوئلا به تاریخ ۲۳ جنوری خودش را رئيس دولت ونزوئلا در دورهٔ حکومت موقت این کشور اعلام کرد.
ایالات متحده امریکا و شماری از کشورهای دیگر گوایدو را به‌رسمیت شناخته، از نیکولاس مادورو، رئیس‌جمهور برحال این کشور خواستند تا علیه اپوزیسیون از زور کار نگیرد.
این در حالیست که مادورو خودش را رئيس‌جمهور قانونی ونزوئلا می‌خواند و رئيس پارلمان اپوزیسیونی را "بازیچه امریکا" نامیده است.