تحفهٔ کلیسای کاتولیک اسلواکی به شاگردان مکتب مزار شریف

در چوکات کمک‌های بشری سلواکی به افغانستان، علاوه بر یونیفورم برای شاگردان، کلیسای کاتولیک اسلواکی به رهبری این مکتب مبلغ پنج هزار یورو جهت خریداری میز و چوکی تحفه می‌دهد.
Sputnik

به گزارش اسپوتنیک، وزارت امور خارجه اسلواکی خبر داده است که این کشور روز جمعه (۱۲ دسمبر) برای شاگردان مکتب متوسطهٔ عبدالحفیظ جلیلی در شهر مزار شریف، مرکز ولایت بلخ افغانستان، ۵۰۰ یونیفورم مکتب می‌فرستد.

واکنش لاوروف به ترمیم هلیکوپتر های روسی در افغانستان توسط اسلواکی

براساس خبرنامهٔ این وزارت، علاوه بر یونیفورم شاگردان، مبلغ ۵ هزار یورو نیز جهت خریداری میز و چوکی برای شاگردان به رهبری این مکتب داده خواهد شد.

در خبرنامه مذکور آمده است: "اسلواکی این اقدام را در چوکات کمک‌های بشری طول‌المدت برای مردم افغانستان، انجام می‌دهد. ۵۰۰ یونیفورم برای شاگردان مکتب متوسطهٔ عبدالحفیظ جلیلی در شهر مزار شریف روز جمعه فرستاده می‌شوند. علاوه بر این، به رهبری مکتب مبلغ ۵ هزار یورو جهت خریداری میز و چوکی برای مکتب داده می‌شود که این تحفهٔ کلیسای کاتولیک اسلواکی می‌باشد".

بحث و گفتگو