به گزارش اسپوتنیک، حوالی ساعت 6 صبح امروز افراد مسلح نظامی به همراهی مسئولین معارف ولایت هرات بالای لیسه ذکور افغان-ترک هرات یورش برده به زور داخل مکتب شده یک تعداد شاگردان و استادان را که در مکتب موجود بودند، بازداشت نموده و به جای نامعلومی انتقال دادند.
افراد مسلح حکومتی همچنان ساعت 6:30 صبح به مکتب نسوان افغان-ترک هرات حمله نموده آن مکتب را نیز اشغال نمودند. شاگردان با مشاهده این وضعیت ناهنجار وحشت زده شده فضای ترس و هراس در مکتب ایجاد گردیده است.